Големите работодавци предлагаат германските индустриски работници да работат пет часа повеќе неделно за иста плата. Германските индустриски работодавци сè поотворено се залагаат за враќање на 40-часовната работна недела, но без зголемување на вкупната неделна заработка на вработените. Тие ги наведуваат високите трошоци за работна сила, падот на производството и зголемената конкуренција од странство како причини.
Цената на работната сила во германското производство е околу 49,50 евра на час, што е за 47 проценти повеќе од просекот на Европската Унија. Преминувањето од 35 на 40 часа работа неделно би значело околу 14 проценти повеќе работни часови, додека неделните трошоци за плати би останале исти.
Барањата доаѓаат во време на сериозна криза во германската индустрија. Производството опадна за повеќе од 15 проценти од врвот во 2017 година, бидејќи компаниите ги погодија високите цени на енергијата, конкуренцијата од Кина и американските царини.
Синдикатите го отфрлаат предлогот и предупредуваат дека подолгата работна недела би можела да ја намали потребата од нови работници.
Прашањето за работното време ќе биде една од важните теми пред новите преговори за платите што започнуваат во октомври, пренесува Политика.
ИЗДВОЕНИ
Возач на висок владин функционер фатен со мито
Масонски симболи на цркви, куќи и стари градби – огнена ѕвезда има и Парламентот!
“ЖУРКАТА“ ЗАВРШИ СО ЛИСИЦИ: Петмина приведени во Галичник, полицијата најде дрога во шаторите
Топло дома, но по која цена? Голема разлика меѓу парното, дрвата, инвертерот и пелетите
