Германија успешно тестираше балистичка ракета произведена во Израел во Северниот Атлантик во текот на ноќта. Портпаролот на германското Министерство за одбрана потврди дека станува збор за ракета LORA произведена од Israel Aerospace Industries.
Балистичката ракета LORA има дострел до 500 километри. Доколку Берлин одлучи да ја купи, тоа би била првата балистичка ракета во арсеналот на германските вооружени сили, објави ORF.
German Navy test-fires an Israeli-made LORA ballistic missile from a Baden-Württemberg-class frigate. pic.twitter.com/ozqp4Zmr5r
— Fabian Hinz (@fab_hinz) September 2, 2026
„Со успешното лансирање на балистичка ракета синоќа во Северниот Атлантик, испишавме поморска историја. Исклучително сум задоволен од ова достигнување“, изјави за новинската агенција командантот на германската морнарица Јан Кристијан Каaк.
Тестот е дел од напорите на Германија и другите западни земји да ги зголемат своите капацитети со набавка на оружје со долг дострел откако Русија ја започна својата инвазија на Украина.
Каак објасни дека системот може успешно да се распореди од германски бродови и дека неговиот „потенцијален дострел надминува сè што досега знаеме“.
„За да се заштитат Германија и нашите сојузници, овој тест означува ново поглавје во одвраќањето и подготвеноста за поморска одбрана“, додаде Каак.
Германскиот „Зидојче цајтунг“ објавува дека балистичката ракета Лора е развиена и произведена во Израел, кој ја користел неколку пати. Се испорачува во контејнер за лансирање, што овозможува релативно брзо распоредување од бродови. Купувањето на системот би било дел од програмата за оружје започната по почетокот на руската агресија против Украина, програма дизајнирана да ја одврати Русија.
Веста за ракетниот тест е одраз на влошените односи меѓу Берлин и Москва. Германија во вторник соопшти дека Русија е одговорна за нападот со беспилотно летало на аеродромот во Лајпциг минатиот месец. Дронот со експлозивна направа беше откриен на 4 август на аеродромот Лајпциг/Хале во источна Германија, во близина на украински товарни авиони.
Не експлодираше бидејќи детонаторот очигледно не функционирал, а истражителите се сомневаат дека вториот дрон се судрил со товарен авион во близина. Трет дрон наводно бил пронајден во близина на аеродромот 10 дена подоцна.
ИЗДВОЕНИ
Таткото е на меѓународна потерница, а ќерката бара да замине во Бугарија на лекување
Газдите штедат на придонеси, знаењето станува „непотребен“ луксуз
Одбраната се фати за бојата на сунѓерот, сведоците ги потсетија на цијанидот и кога се користел во историјата
Ја врзал за дрво и ја тепал со тврд предмет
