Германија ќе воведе рано пензионирање со штедење за пензија уште од прво одделение

Според тој предлог, децата на возраст од 6 до 18 години, кои посетуваат образовни институции би добивале 10 евра месечно од државата, што за 12 години би изнесувало  вкупно 1.440 евра по дете, без да се сметаат приходите од инвестирањето на тие пари. Од 18-годишна возраст, корисниците би можеле сами да уплаќаат дополнителни средства на таа сметка, во рамките на годишните ограничувања. Добивката остварена од инвестициите би била ослободена од данок до возраста за пензионирање, кога корисниците би можеле да располагаат со парите.

Новата германска влада планира да воведе таканареченото рано пензионирање, со што би се отворил фонд за штедење за деца од шестгодишна возраст. Според тој предлог, децата на возраст од 6 до 18 години кои посетуваат образовни институции би добивале 10 евра месечно од државата, што за 12 години би изнесувало вкупно 1.440 евра по дете, без да се сметаат приходите од инвестирањето на тие пари.

Од 18-годишна возраст, корисниците би можеле сами да уплаќаат дополнителни средства на таа сметка, во рамките на годишните ограничувања. Добивката остварена од инвестициите би била ослободена од данок до возраста за пензионирање, кога корисниците би можеле да располагаат со парите.

Сегашната возраст за пензионирање во Германија е 67 години и би можела дополнително да се зголеми, што значи дека заштедите би се акумулирале повеќе од 60 години. Застапниците на идејата тврдат дека овој модел, покрај тоа што создава финансиска сигурност за младите луѓе, би можел да помогне и во зајакнувањето на финансиската писменост и да ја поттикне свеста за важноста на штедењето и инвестирањето.

Mногу детали сè уште не се познати. На пример, сè уште не е јасно како ќе се инвестираат овие средства и кој ќе управува со нив. Некои експерти истакнуваат дека вкупниот износ на овие инвестиции за секој поединец всушност би можел да биде скромен. Јоханес Гајер, заменик-шеф на Одделот за јавни финансии во истражувачкиот институт ДИВ Берлин, изјави за ЦНБЦ дека износот би бил во голема мера симболичен. Идеално, вели тој, пренесува Индекс, политиката би можела да ги охрабри луѓето да почнат да размислуваат за долгорочна финансиска сигурност порано и да ги доближи до пазарите на капитал, особено во семејствата каде што ретко се дискутира за парите. Но, исто така предупредува дека ова не е нужно реално.

-Не е јасно дали ова всушност ќе ја зголеми мотивацијата за штедење или ќе ја подобри финансиската писменост. Кога луѓето пасивно добиваат пари и не мора сами да донесуваат инвестициски одлуки, тешко е да се каже како ќе се подобри нивното финансиско знаење. Самото познавање на концептот на инвестирање не мора нужно да води до добри одлуки, објаснува Гајер.

Кристоф Шмит, претседател на Институтот за економски истражувања Лајбниц на РВИ, има слично мислење.

-Фундаменталната мана на овој план е што ја промашува вистинската лекција за штедење – откажување од нешто денес за да можеме да имаме повеќе утре, објасни тој и додаде дека би било покорисно да се инвестираат овие средства во германскиот образовен систем.

Шмит смета дека идејата за обезбедување почетен капитал за младите луѓе при влегувањето во зрелоста е добронамерна, но кога ќе се погледне подетално, тешко е да се пронајдат вистинските придобивки од овој концепт.