Франција ќе ангажира 15.000 припадници на безбедносните служби за време на посетата на папата Лав XIV кон крајот на септември; француските власти проценуваат дека, иако општата терористичка закана во земјата останува висока, во моментов нема конкретни закани поврзани со доаѓањето на поглаварот на Римокатоличката црква.
Францускиот министер за внатрешни работи и за верски прашања, Лоран Нуњез, изјави за весникот „Ла Кроа“ (La Croix) дека полицајци, жандарми, припадници на мобилни единици и војници од операцијата „Сентинел“ (Sentinelle) ќе бидат распоредени на терен на 25 и 26 септември, кога се очекува најголем број посетители.
Во однос на здравјето и безбедноста, тој додаде дека ќе бидат ангажирани околу 2.500 пожарникари од Париз, кои ќе соработуваат со службите за цивилна заштита и овластените организации, вклучувајќи ги Црвениот крст и Малтешкиот ред.
