„Фолксваген“ постепено ќе го укине „Сеат“ до 2029 година

„Групацијата Фолксваген“ планира постепено да го укине шпанскиот бренд за автомобили „Сеат“ најдоцна до крајот на 2029 година.

Според извештајот на германскиот весник Wierschaftswohner, раководството на „Фолксваген“ веќе утврдило распоред за постепено укинување на брендот, а се очекува надзорниот одбор на компанијата да гласа за предлогот во петок.

Сеат повеќе не е вклучен во планираната структура на „Групацијата Фолксваген“ за 2030 година.

Причината за затворањето е потребата да се намали сложеноста на работењето и инвестицискиот товар во рамките на таканаречената основна група, која ги вклучува „Фолксваген“, „Шкода“, „Сеат“ и „Купра“.

Според објаснувањето на менаџментот, продолжувањето на работењето на „Сеат“ (акроним за Sociedad Española de Automóviles de Turismo) во сегашната форма би барало дополнителни ресурси, додека компанијата сака да го фокусира стратешкиот развој во оваа група првенствено на брендот „Купра“.

„Фолксваген“ се соочува и со силен притисок од кинеските производители на автомобили на европскиот пазар, проблеми на кинескиот пазар и американски царини.

Извршниот директор Оливер Блум се обидува да ги намали трошоците и да го прилагоди работењето на новите пазарни услови преку програма за штедење.

Одлуката за „Сеат“ доаѓа во време кога „Фолксваген“ ја разгледува и иднината на своите германски фабрики.

Се очекува надзорниот одбор да ги разгледа долгорочните перспективи на фабриките во Цвикау, Емден, Хановер и Некарзулм, како и можноста за понатамошно намалување на бројот на вработени низ целиот свет.