Евролигата поведе дисциплинска постапка против Дубаи, поради случајот со Томас Вокап, објавува грчкиот „Спорт 24“. Причина е изјавата на извршниот директор на Дубаи, Дејан Камењашевиќ, кој јавно потврди дека клубот преговара со американски бек со грчки пасош.
Проблемот е што Вокап има важечки договор со Олимпијакос, па информациите за преговорите предизвикаа незадоволство кај грчкиот клуб. Евролигата сега реши да реагира и официјално да го разгледа случајот.
Ситуацијата доаѓа во незгоден момент за Дубаи, кој се надева на добивање трајна лиценца во елитното европско натпреварување. Евентуална казна би можела да влијае и врз односите меѓу Дубаи и раководството на Евролигата.
Се очекува во следниот период да има дополнителни детали за дисциплинската постапка. Во меѓувреме, останува неизвесно и дали Вокап навистина ќе го напушти Олимпијакос.
Сагата околу американскиот бек со грчки пасош, очигледно, добива нова димензија, а конечниот збор ќе го има Евролигата.
ИЗДВОЕНИ
Еден вирус стивнува, друг се заканува
Интервју со проф. д-р Борче АРСОВ: Македонија мора да гради дата-центри, но со јасна стратегија и силна инфраструктура
НОВА УЧЕБНА ГОДИНА, НОВИ ЖЕЛБИ И НОВИ СОНИШТА: Учете, растете и останете во Македонија
Знаеме за проблемот, но засега нема посебни правила за возачите!
