Дваесет и двегодишен жител на Штип ќе се соочи со соодветна пријава откако на социјалните мрежи беше објавено видео на кое се гледа како дрифтува со автомобил без регистарски таблички, иако сè уште немал стекнато право да управува со возило.
Од СВР Штип информираат дека по преземените мерки, на 14 октомври полициските службеници го пронашле С.К. и со него извршиле службен разговор.
Видеото било објавено на 12 октомври, а на него се гледа како младиот штипјанец управува патничко возило „опел“ без регистарски ознаки и намерно предизвикува пролизгување на автомобилот.
При полициските проверки било утврдено дека тој управувал со возилото пред да се стекне со право на управување.
За случајот бил известен јавен обвинител, а од полицијата најавуваат дека по целосното документирање на настанот ќе биде поднесена соодветна пријава.
ИЗДВОЕНИ
„Кромберг и Шуберт“ со нова инвестиција во Битола: Нов погон и 2.000 нови работни места во Жабени!
Кривична за тројца во случајот со момчињата од Сарај
Мицкоски ја кани опозицијата во преговарачкиот тим со Бугарија – ќе проработи ли националното единство?!
Посвоените да можат да го дознаат потеклото, ЗНАМ предлага законски измени
