Неодамнешниот разорен земјотрес во Венецуела предизвика драматична геолошка промена во соседството. Дел од крајбрежјето на Тринидад и Тобаго нагло се издигна, а на одредени места копното се дигнало за нови шест метри над морето.
Научниците велат дека освен тоа, силното поместување на почвата поттикнало и создавање нов подводен вулкан. Се проценува дека новиот вулкански конус составен од мека глина, карпи и блокови богати со калцит, се издигнал околу четири метри над морското дно.
Но, поради постојаното дејство на силните морски бранови, постои голема опасност тој да се оштети и да еродира. Исто така, притисокот под земјата што го создал земјотресот во Тринидад и Тобаго активирал неколку калливи вулкани.
Брзото подигнување на копното има катастрофални последици за живиот свет во плитките води, како ражите, рибите, раковите и другите морски организми што останале на суво на новоформираната крајбрежна линија.
ИЗДВОЕНИ
Не може ако е купен станот по 3.000 евра за квадрат, да се плаќа данок како да вреди 1.500 евра
Поевтини горива ќе се точат цело лето и цела есен
Водата во Гостивар не е за пиење, се истражува дали диви пумпи го контаминирале водоводниот систем кај Вруток
Сведоштво од 1991 година за тоа како свештеникот Андреа Михал, кого Енвер Хоџа го испрати во затвор, одново ѝ се враќа на свештеничката служба меѓу Македонците во Мала Преспа
