Донесена одлука за Јамал ​​Мусијала

Јамал ​​Мусијала нема да биде во составот на Баерн Минхен за денешниот натпреварот  против Борусија Дортмунд, објави угледниот германски весник „Билд“. Станува збор за натпревар од Суперкупот на Германија, а одлуката е поврзана со здравствената состојба на 23-годишниот германски интернационалец. Тој доживеа две загрижувачки ситуации на теренот за само неколку дена. Прво, се сруши во текот на пријателскиот натпревар против РБ Лајпциг, а потоа му се случи истото и на натпреварот против Хајденхајм.

По вториот инцидент, тој се огласи на социјалните мрежи и објасни што му се случува. Откри дека му е дијагностицирана невролошка дисфункција што предизвикува кратки и привремени епизоди на отсуство. Тој потоа рече дека се застрашувачки ваквите епизоди на прв поглед, но дека во моментов се чувствува добро и добива соодветна медицинска нега.

Токму поради сè што се случи, Баерн Минхен одлучи да му дозволи да го пропушти претстојниот натпревар против големиот ривал од Дортмунд. „Билд“ наведува дека одлуката официјално ќе биде потврдена на прес-конференција, од тренерот Винсент Компани.

Сепак, најновите информации носат и причина за оптимизам. Според изворот, се очекува Мусијала да се врати во составот на Баерн Минхен за отворањето на новата сезона во Бундес лигата.

Баерн ќе ја отвори шампионската сезона со натпревар против Штутгарт следната недела, кој би можел да го означи враќањето на Мусијала во игра за место во тимот. Особено е интересно што неговите лекари, според информациите од „Билд“, му советуваат да продолжи да игра фудбал. Неговиот секојдневен живот, вклучително и играњето фудбал, е дел од процесот на закрепнување, според препораките на експертите. Затоа сегашната одлука да пропушти еден натпревар не значи долгорочно отсуство од теренот.