Џонсон: Длабоко жалам поради грешките во врска со Ковид, но сите дадоа се од себе

Според истрагата, во Англија можеле да се избегнат околу 23.000 смртни случаи ако на почетокот на пандемијата порано бил воведен карантин.

Се осудува „хаосот“ кој преовладувал во тогашната конзервативна влада на Борис Џонсон, пренесе „Хина“.

Британските власти, а особено извршната власт во тогашната конзервативна влада на Борис Џонсон, предоцна ја сфатиле сериозноста на вирусот, заклучи истрагата.

„Повеќе од три години по завршувањето на пандемијата, уште се расправаат за тоа што тргнало наопаку“, напиша Џонсон во својата колумна во таблоидот „Дејли мејл“.

„И понатаму длабоко жалам поради грешките што ги направи владата што ја водев и целосно сочувствувам со сите оние кои страдаа“, додаде тој.

„Се што можам да кажа е дека вклучени дадоа се од себе“, во посебно тешки околности“.

Џонсон смета дека заклучоците од јавната истрага се „збунувачки и „очајнички некохерентни“.

Тој вели дека истрагата не одговорила на две клучни прашања: „Од каде дојде вирусот: И дали карантините се исплатуваа за ужасната цена што ја плативме?“

Групата која опфаќа семејства чии членови починале од Ковид повика во петото на укинување на сите финансиски и институционални погодности што ги ужива поранешниот премиер.

„Недозволиво е од ожалостените семејства да го финансираат начинот на живот на човекот чии одлуки доведоа до смртта на нашите сакани“, рекоа тие.

Обединетото Кралство забележа 226.000 смртни случаи поврзани со пандемијата, што е една од најлошките европски статистики.