Поранешниот аргентински тенисер, Хуан Мартин дел Потро, доживеал непријатна ситуација во родниот Тандил откако била ограбена неговата куќа, а крадците однеле повеќе вредни предмети. Случајот веднаш бил пријавен во полиција, а истрагата сè уште е во тек. Засега нема информации дали се пронајдени дел од украдените предмети.
Дел Потро се огласи на социјалните мрежи и им се заблагодари на сите за поддршката што ја добил.
- Ви благодарам од срце за пораките на солидарност. Благодарност и до полицијата и до сите што работат на истрагата – напиша Аргентинецот.
Тој откри дека најмногу го боли губењето предмети со емотивна вредност.
- Многу од тие работи значеа многу и за мене и за моето семејство. Тоа се спомени што не можат да се заменат – порача Дел Потро.
На крајот изрази надеж дека неговиот роден град повторно ќе биде мирно и безбедно место.
ИЗДВОЕНИ
Одекнаа зурлите, се облекоа носиите, се разбуди срцето на традицијата – во Галичник, на Петровден, љубовта се мери со векови/ ФОТО
Затворениците без работа, пазарот без работници – неискористениот потенцијал зад решетки
Аларм од камионџиите: Сè потешко се опстанува на европските патишта
Во Дојран може да се летува за помалку од 200 евра, но и покрај ниските цени, нема туристи
