Центарот за управување со кризи (ЦУК) информира дека утрово активни се шест пожари во земјава, пет се ставени под контрола, а 19 се изгаснати во изминатото деноноќие.
Активни се пожарите во с. Грачани и с. Никиштани, а пожарот е активен и на територијата на Република Косово, каде гори шума.
На територија на Општина Македонски Брод активен е пожарот во с. Белица, месност Кајорец, кон с. Брезница кај репетиторот, каде гори нискостеблеста и мешана шума. Во Општина Чучер-Сандево поточно во с. Брест, месност Рамно гори мешана шума.
Во околината на кичевските села Кнежино и Добреноец гори нискостеблеста шума, а ниска вегетација гори во местото викано Дарда во околината на село Тајмиште. Активен е и пожарот во Општина Ново Село во с. Стиниќ каде гори мешана шума и ниска вегетација.
Под контрола се пожарите во:
Општина Струга: с. Буринец – с. Локов – с. Селци (нискостеблеста шума);
Општина Македонски Брод: с. Брезница (ниска вегетација и помошен објект);
Општина Сарај: с. Копаница (нискостеблеста шума и ниска вегетација);
Општина Кратово: Кратово (депонија);
Општина Делчево: градска депонија Делчево (депонија).
Изгаснати се пожарите во:
Општина Неготино: с. Црвени Брегови (ниска вегетација);
Општина Гази Баба: ул. Перо Наков (ниска вегетација и ѓубриште);
Општина Гази Баба: ул. Перо Наков (ниска вегетација и ѓубриште);
Општина Брвеница: с. Милетино и с. Радиовце (ниска вегетација);
Општина Гостивар: с. Равен (ниска вегетација);
Општина Гостивар: с. Форино (ниска вегетација);
Општина Куманово: населба Бедиње, покрај железничката пруга (ниска вегетација);
Општина Куманово: ул. Ѓорче Петров (ѓубре);
Општина Липково: с. Ваксинце (стрниште);
Општина Битола: с. Ротино (ниска вегетација);
Општина Прилеп: с. Ново Лагово (ниска вегетација);
Општина Прилеп: с. Тополчани (ниска вегетација);
Општина Кичево: с. Манастирско Доленци (депонија);
Општина Струга: с. Подгорци (ниска вегетација и мешана шума);
Општина Маврово и Ростуше: место викано Чавкарник над Маврово (ниска вегетација, пасишта и мешана шума);
Општина Сопиште: с. Горно Соње (ниска вегетација);
Општина Струмица: с. Куклиш (депонија);
Општина Гевгелија: на патот Богданци–Гевгелија (ниска вегетација и трска);
Општина Градско: с. Ногаевци (ниска вегетација, грмушки и борова шума).
