Во државава активни се осум пожари, а три се под контрола од вкупно 20 регистрирани на отворен простор заклучно со 18 часот – информира вечерва Центарот за управување со кризи, информираат од ЦУК.
Во село Копаница во општина Сарај гори ниска вегетација, а во гостиварското село Трново и во селата Битово, Заград и Страјане во општина Македонски Брод зафатени се нискостеблеста шума, ниска вегетација, пасишта и папрат.
Пожари има и над село Нежилово, во Чашка, кај местото викано Сватови (ниска вегетација и единечни дрва), во село Копанце во општина Јегуновце (мешана шума), над касарната во Прилеп (дива депонија и ниска вегетација), кај старите гробишта во Прилеп (ниска вегетација) кај охридските села Велмеј и Брежани (ѓубре и ниска вегетација), како и во прилепското село Црнилиште (ниска вегетација).
Под контрола се пожарите на депонија во Делчево и во село Црквенец, каде гори ниска вегетација, како и кај селата Моране, Вртекица и Рамни Габер во општина Студеничани и кракот кон село Палиград, над селата Вражале и Тисовица во општина Зелениково, каде гори мешана шума).
ИЗДВОЕНИ
Живописноста на Матка – неисцрпен туристички потенцијал
ЧУДОТО ОД ЦРНИЧЕ – ОД ЗАБОРАВЕН ПОДРУМ ДО СВЕТА РЕЛИКВИЈА: Пред иконата на Пресвета Богородица што плаче, молитви стигнуваат од целиот свет
Предание за чудесната икона што излегла од пламенот и го спасила селото од чума: Богородица – едно село, една богомајка, вековна легенда
АХВ ги засилува теренските активности: Вонреден надзор и тестирања за детекција на вирусот на Западнонилска треска кај птиците
