На 25 декември почнува ново поглавје на македонската фолк- музика!
– Време е за нешто поинакво, време е да ја ставиме македонската музика во прв план. Тоа време ќе се случи на 25 декември, во СЦ „Јане Сандански“ и нема да биде само обичен концерт. Ќе се одржи вечер за паметење, каде што ние, изведувачите, придружувани од голем оркестар, ќе бидеме и музички и емотивно силно распеани, а воедно споени со нашата публика.
Ќе приредиме традиционален македонски амбиент со високи и со ниски маси, ќе се служат пијалаци, ќе се мези и сè во духот на македонската кафеанска традиција. Време е да ги вратиме градските боеми на своето место – вака вели боемот Наум Петрески, златното пејачко грло, со кого се согласуваат и другите учесници, фолк-ѕвездите: Сузана Гавазова, Миле Кузмановски и Благоја Баже Грујовски.
– Радоста е уште поголема затоа што ова не е класичен фолк-концерт, туку боемска ноќ до зори, каква што заслужуваат Македонија и македонската музика – истакнува сексапилната Гавазова. (Д. М.)
