Дваесет и девет младенчиња панди од покраината Сечуан во југозападна Кина го имаа своето телевизиско деби за да ја прослават Лунарната Нова Година, објави државната телевизија CCTV.
Чуварите ги држеа разиграните младенчиња пред новогодишна позадина, извикувајќи празнични честитки во нивно име, објавува АП.
Младенчињата беа наредени на стартните линии, симболизирајќи нови почетоци, пред да се стрчаат во грмушките и дрвјата.
На крајот, беа ставени во џиновска чинија со кнедли од ориз, каде што малите панди се туркаа и се превртуваа една преку друга.
Кнедлите од ориз се традиционален кинески десерт за Лунарната Нова Година и симболизираат семејно обединување.
