Пеко Бањаја се искачи на подиумот во Шпанија, но место еуфорија, Дукати испраќа јасна порака за потребното подобрување. Иако третото место донесе важни бодови, особено што падна Марк Маркез од водечката позиција, впечатокот што го остави Бањаја не ги воодушеви шефовите на тимот.
Уште повеќе изненади победата на Алекс Маркез, кој му го донесе вкусот на триумфот на Гресини и кој го презеде водството во генералниот пласман. Друго изненадување беше тоа што ја заврши Бањаја трката зад Фабио Квартараро, иако Французинот возеше многу послабо од Јамаха.
- Пеко не ги оправда очекувањата, првенствено затоа што нè навикна на подобро возење во неделите отколку во саботите. Но, исто така, и поради борбениот дух што го покажа во таа спектакуларна прва кривина, со темпото на трката. Сепак, му недостигаше острината што сите ја очекувавме, како и оние моменти што му беа потребни за да се врати во борбата за врвот – истакна шефот на тимот, Џиџи Далиња.
Иако го зголеми својот биланс на бодови со освоеното трето место, пораката од Дукати е јасна: „Мора да се справиме подобро“.
- Од перспектива на шампионатот, третото место е вредно, но останува фактот дека треба да се подобриме. Очекуваме повеќе – гласеше пораката од тимот.
Алекс Маркез сега е лидер на табелата со еден бод повеќе од својот брат Марк, кој и покрај грешката е сè уште меѓу водечките.
Бањаја е 20 бода зад лидерот пред претстојната трка во Ле Ман.
Победата на Алекс Маркез донесе дополнителна тежина, бидејќи Дукати го израмни рекордот на Хонда од 22 последователни победи во Мото ГП.
- Серија што сега е израмнета со рекордот, и сето тоа благодарение на големиот успех на Алекс Маркез – петмина различни возачи во оваа величествена серија победи – рече Далиња.
