Атрактивната Лирдам го продаде комбинезон од ЗОИ за вртоглава сума

Популарноста на холандската натпреварувачак во брзо лизгање Јута Лирдам, не се намалува ниту по завршувањето на Зимските олимписки игри. Таму освои злато и сребро и постави нов олимписки рекорд, но се чини дека дури тогаш нејзиното глобално признание експлодираше дополнително.
Покрај спортските успеси, таа привлече дополнително внимание и поради нејзината врска со американскиот инфлуенсер и боксер Џејк Пол. За време на Игрите, таа беше во центарот на вниманието на медиумите поради моментот по една трка кога го откопча натпреварувачкиот костим и покажа спортски градник потпишан од Најк, нејзиниот спонзор.

Тој потег предизвика лавина од реакции и дополнително ја зголеми нејзината популарност.
Но, вистинската приказна дојде по завршувањето на натпреварувањето. На платформата „MatchWornShirt“ се појави токму тој натпреварувачки костим – оној во кој Лирдам стигна до златото. Интересот беше огромен, а конечната цена на аукцијата се искачи на речиси 200.000 евра.
На целата приказна ѝ се дава посебна тежина поради фактот што околу 75 проценти од сумата отишла во клубот Пијнакер, каде што Лирдам ги направила своите први чекори во лизгање, а клубот не го криеше своето изненадување.
„Толку сме изненадени од оваа кампања што сè уште не знаеме како најдобро ќе ги искористиме овие пари“, рече еден од членовите на одборот.