Астронаутите соборија рекорд, а чоколадниот крем ја доби најдобрата бесплатна реклама досега/ВИДЕО

Вселенското летало Орион ја обиколи Месечината, а четири астронаути го соборија рекордот за најдалечно растојание од Земјата. Мисијата „Артемис II“ испиша историја, надминувајќи го растојанието поставено од мисијата „Аполо 13“ на НАСА во 1970 година, а само неколку минути пред тој клучен момент, тегла Нутела им се придружи на астронаутите. Популарниот намаз лебдеше низ кабината и накратко се „турна“ во преден план, пред астронаутите.

#NEWS 🚨: Watch as a random jar of Nutella photobombs the Artemis II livestream pic.twitter.com/MpVsHoWmPy

— Latest in space (@latestinspace) April 6, 2026

Многумина го забележаа тоа и го објавија видеото на социјалните мрежи. „Нутела штотуку го собори светскиот рекорд летајќи подалеку од Земјата од кога било досега“, „Нутела штотуку ја доби ултимативната вселенска реклама од екипажот на „Артемис II“, напишаа некои.

Некои ја обвинија НАСА дека намерно го вметнала намазот во емитувањето, вселенската агенција ги негираше обвинувањата.

„НАСА не избира оброци за екипажот или храна во соработка со брендови. Ова не беше пласман на производи“, објасни Бетани Стивенс, портпаролка на агенцијата, за „Фјутуризам“. Астронаутите понесоа разновидна храна за 10-дневното патување, како и изобилство лут сос, кафе и тортиљи.

Астронаутите на „Артемис II“ патуваа околу 4.000 милји (6.500 километри) подалеку од Земјата од претходниот рекорд. За време на ноќниот дел од мисијата, тие целосно го изгубија контактот со Земјата околу 40 минути, но тоа беше очекувано поради блокирање на сигналот зад Месечината. Откако го поминаа најоддалечениот дел од нивното патување, тие го започнаа своето враќање дома.