Астронаутите на Артемис ќе ја проучуваат Месечината со најосновниот инструмент – своите очи

Повеќе од педесет години откако луѓето првпат летаа околу Месечината, астронаутите на Артемис утре ќе го повторат подвигот, користејќи го најосновниот инструмент за нејзино проучување, своите очи. И покрај технолошкиот напредок од мисиите Аполо, НАСА сè уште се потпира на видот на своите астронаути за да дознае повеќе за Месечината.

„Човечкото око е во основа најдобрата камера што некогаш постоела или ќе постои“, изјави за АФП Келси Јанг, главен научник на мисијата Артемис 2. „Бројот на рецептори во човечкото око далеку го надминува она што може да го постигне камерата“.

Додека модерните камери се супериорни во некои аспекти, „човечкото око е исклучително добро во препознавањето на бојата, контекстот и фотометриските набљудувања“, рече Јанг.

Луѓето можат да разберат како осветлувањето ги менува деталите на површината. На пример, како косата светлина ја открива текстурата, но ја намалува видливоста на боите. Во трепкање со око, може да се открие суптилна промена на бојата и да се разбере како светлината ги менува контурите на пејзажот, научно корисни детали што е тешко да се утврдат со сигурност од фотографии или видеа.

Астронаутот на „Артемис 2“, Виктор Гловер, кој го пилотира вселенското летало „Орион“, пред лансирањето оваа недела рече дека очите се „магичен инструмент“.