Летниот преоден рок 2026 година донесе спектакуларни трансфери, но и уште еднаш ја покажа финансиската моќ на клубовите од Премиер лигата. Дури девет од 10-те најскапи трансфери ова лето се реализирани во Англија, додека единствениот клуб надвор од Островот кој се најде на листата е Реал Мадрид.
Најскапиот трансфер беше реализиран во самиот финиш на преодниот рок. Манчестер Сити за 145 милиони евра го донесе Енцо Фернандез од Челси, со што Аргентинецот стана најскапо засилување во историјата на „Граѓаните“.
Трансферот на Фернандез воедно го израмни британскиот рекорд поставен минатото лето со преминувањето на Александер Исак од Њукасл во Ливерпул. Врвниот играч за врска стана и првиот фудбалер во историјата кој двапати во кариерата бил продаден за повеќе од 100 милиони евра.
Сити посебно доминираше на оваа листа – дури три нивни засилувања се наоѓаат меѓу 10-те најскапи трансфери летово. Покрај Фернандез, клубот од „Етихад“ плати 135 милиони евра за Елиот Андерсон од Нотингем Форест, додека за 18-годишниот Ајуб Буади од Лил издвои 95 милиони.
Вториот најскап трансфер го реализираше Челси, кој за 138 милиони евра го донесе Морган Роџерс од Астон Вила. Англискиот репрезентативец така стана најскапо засилување во историјата на лондонскиот клуб.
Ливерпул издвои 125 милиони евра за француското крило Бредли Баркола од Пари Сен Жермен, со тоа што поради бонусите вкупната вредност на трансферот би можела да достигне дури 145 милиони.
Единствениот клуб надвор од Премиер лигата на листата е Реал Мадрид. „Кралскиот клуб“ за 19-годишниот Јан Диоманде од РБ Лајпциг плати 125 милиони евра, додека со бонусите трансферот би можел да порасне до 140 милиони. Во прашање е најголемото фиксно обесштетување што Реал икогаш го платил за еден играч.
Ни Тотенхем не штедеше. „Петлите“ потрошија 108 милиони евра на Сандро Тонали, 99 милиони на Матеус Фернандез од Вест Хем и 87,7 милиони на Савињо од Манчестер Сити.
На листата е и Бруно Гимараеш, кој за 87,5 милиони евра премина од Њукасл во Арсенал.
Десетте најскапи трансфери летото 2026:
Енцо Фернандез – Челси → Манчестер Сити – 145 милиони евра
Морган Роџерс – Астон Вила → Челси – 138 милиони евра
Елиот Андерсон – Нотингем Форест → Манчестер Сити – 135 милиони евра
Бредли Баркола – ПСЖ → Ливерпул – 125 милиони евра
Јан Диоманде – РБ Лајпциг → Реал Мадрид – 125 милиони евра
Сандро Тонали – Њукасл → Тотенхем – 108 милиони евра
Матеус Фернандез – Вест Хем → Тотенхем – 99 милиони евра
Ајуб Буади – Лил → Манчестер Сити – 95 милиони евра
Савињо – Манчестер Сити → Тотенхем – 87,7 милиони евра
Бруно Гимараеш – Њукасл → Арсенал – 87,5 милиони евра
ИЗДВОЕНИ
Таткото е на меѓународна потерница, а ќерката бара да замине во Бугарија на лекување
Газдите штедат на придонеси, знаењето станува „непотребен“ луксуз
Одбраната се фати за бојата на сунѓерот, сведоците ги потсетија на цијанидот и кога се користел во историјата
Ја врзал за дрво и ја тепал со тврд предмет
