Амбасадорот на САД во Турција ги повика Сирија и Израел да ги намалат тензиите

Амбасадорот на САД во Турција и американски пратеник за Сирија, Томас Барак, денес ги повика сите страни да „се повлечат“ и да се вклучат во дијалог за постигнување прекин на огнот во Сирија, по судирите во кои е вклучена заедницата Друзи на југот од земјата и израелските напади врз Дамаск.

„Недвосмислено го осудуваме насилството врз цивилите во Свеида на југ (со мнозинско население Друзи). Сите страни треба да се повлечат и да се вклучат во конструктивен дијалог што води до траен прекин на огнот“, напиша Барак на платформата X.

Неговата изјава доаѓа откако Израел ги предупреди сириските власти да не ги напаѓаат Друзите, чии членови живеат и во Израел.

Израелската војска започна напади врз седиштето на сириската армија во Дамаск.

Религијата Друзи потекнува од 11 век како форма на ислам. Повеќето муслимани не ги сметаат за членови на исламот, иако се сметаат себеси за муслимани. Огромното мнозинство Друзи се сметаат себеси за Арапи во етничка смисла (со исклучок на Друзите во Израел). Во светот има околу еден милион Друзи, а огромното мнозинство живее на Блискиот Исток.

We unequivocally condemn violence against civilians in Suwayda. Full stop. All parties must step back and engage in meaningful dialogue that leads to a lasting ceasefire. Perpetrators need to be held accountable.

— Ambassador Tom Barrack (@USAMBTurkiye) July 16, 2025