САД и Русија почнаа преговори за продолжување на договорот СТАРТ за намалување на нуклеарното оружје, дознава „Аксиос“. Последниот важечки истече на полноќ на 5 февруари.
– Се договоривме со Русија да почнеме преговори за обновување на нашите односи. Се согласивме да создадеме услови за нов договор СТАРТ, што би траел најмалку шест месеци, изјави анонимен американски функционер.
Последниот важечки договор наречен нов СТАРТ, кој едвај преживеа, беше потпишан во 2010 година во Прага, Чешка, помеѓу тогашниот американски претседател, Барак Обама, и тогашниот руски претседател, Дмитриј Медведев. Според тој договор, двете држави да не требаа да имаат повеќе од 1.500 нуклеарни боеви глави. Оригиналниот СТАРТ беше потпишан за време на Студената војна во 1987 година од тогашниот претседател на САД, Роналд Реган, и тогашниот советски претседател, Михаил Горбачов. Тој договор вклучуваше забрана за распоредување на копнени балистички и крстосувачки ракети со дострел помеѓу 500 и 5.500 километри. По потпишување на договорот, и Советскиот Сојуз и САД уништија околу 2.500 ракети со ефикасен систем за следење и контрола од двете страни.
ИЗДВОЕНИ
Двајца полицајци, наставничка и пожарникар за пари овозможувале побрзо вадење на пасоши, лични карти и возачки дозволи
Демократски сојуз бара итна забрана на производство на марихуана
„Комунална хигиена“: Во текот на јануари од скопското подрачје подигнати 13.000 тони мешан комунален отпад од домаќинствата
Во тек е голема координирана полициска акција на повеќе локации во Скопје и во Струмица поврзана со опојна дрога
