Во тек е акција на студентите во блокада „Прогласи победа“, во која се собираат потписи за распишување предвремени парламентарни избори.
На кампусот на Универзитетот во Нови Сад, времето за собирање потписи е продолжено до 22 часот, објави О21.
View this post on Instagram
Граѓаните можат да ја поддржат оваа иницијатива во повеќе од 100 општини и градови.
Документот што граѓаните го потпишуваат е насловен како „Одлука“, а во него се бара „во согласност со член 109 од Уставот на Република Србија, Владата да испрати образложен предлог до претседателот на Републиката за распуштање на Народното собрание и распишување предвремени парламентарни избори“, објавува „Инсајдер“.
„Оваа одлука е чин на граѓаните во одбрана на Уставот на Република Србија и правото на секој од нас да одлучува за својата држава, како и правото на народот, носителот на суверенитетот, да одлучува за својата држава“, се наведува во документот.
Граѓаните, исто така, даваат согласност за користење на податоците за целите на информирање и испраќање известувања за студентските активности.
