Српското МВР уапси тројца хакери од „INF Group“: РФЗО Србија, хрватското Министерство за труд и бројни компании меѓу целите

Полицијата во Белград и Зајечар идентификуваше и уапси тројца членови на хакерската група „INF група“, која е поврзана со голем број „високопрофилни рансомвер“ и други кибер напади.

Н.М.С. (22) од Белград, Л.Д. (23) од Заечар и 17-годишник од Белград се уапсени под сомнение за сторено кривично дело неовластен пристап до заштитен компјутер, компјутерска мрежа и електронска обработка на податоци.

Л.Д. е обвинет и за кривично дело компјутерска саботажа, а седумнаесетгодишникот е осомничен за сторено кривично дело изнуда.

„Цели на оваа хакерска група биле системите на државните институции, големите компании и други организации, од кои, како што се сомнева, напаѓачите компромитирале, шифрирале или преземале големи количини на податоци од нив, вклучувајќи лични и други чувствителни податоци на граѓаните“, соопшти Министерството за внатрешни работи (МВР).

Исто така, се сомнева дека тие барале откупнина во криптовалути од одредени лица во замена за неоткривање на украдените податоци.

Според полицијата, меѓу најзначајните цели биле Републичкиот фонд за здравствено осигурување на Србија, базата на податоци на јавни извршители, евиденцијата на Управата за странци на српското МВР.