Обвинителот Хајрулахи останува суспендиран

Истовремено со одлуката на Комисијата од Јавното обвинителство да му покрене дисциплинска постапка на Вишиот ЈО Мустафа Хајрулахи за непостапување по предмети, Советот на ЈО донел одлука со која се отфрла жалбата на Хајрулаху и тој останува суспендиран од Вишото обвинителство. Хајрулаху беше суспендиран од Републичкиот обвинител Коцевски поради кривичната пријава за мобинг од вработени во ВЈО против него. Во жалбата суспендираниот шеф навел дека пријавата против него е инструирана од Коцевски и оти со суспензијата се повредува презумпцијата на невиност. Како причина пред јавноста го наведе предметот за бонусите на поранешното СЈО. Советот жалбените наводи ги отфрли како неосновани. Советот сега ќе треба да одлучува и по неговата дисциплинска постапка.