Ѕвездата на ПСЖ се сели на Островот, заинтересирани се три клуба

Францускиот гигант, ПСЖ, освои сè што можеше да се освои минатата сезона и апсолутно го покори европскиот фудбал. Парижаните ја освоија Лигата на шампионите, француската Лига 1 и францускиот Куп под водство на трофејниот тренер Луис Енрике.

Шпанскиот стручњак покажа дека е еден од најдобрите тренери во светот и секако ќе го предводи ПСЖ од клупата и во новата сезона.

Ова лето, францускиот клуб учествуваше на Светското клупско првенство, каде што загуби со 3:0 од Челзи во финалето. Овој пораз силно го погоди Енрике, а тоа го покажа на теренот по натпреварот со својата жестока реакција.

Се очекува неколку играчи да го напуштат „Паркот на принцовите“ до крајот на летниот преоден рок, вклучувајќи го и Гонсалo Рамос.

Португалецот некогаш беше главна напаѓачка сила на ПСЖ, но неодамна падна во втор план и ќе го напушти клубот. Нема недостаток од интерес, а клубовите од Островот, во прв план, Астон Вила и Њукасл, моментално покажуваат најголем интерес за неговите услуги.

Покрај овие два клуба, се споменува и Ливерпул, но ова е нерелна опција, па 24-годишникот ќе мора да одлучи помеѓу двата претходно споменати клуба.

Рамос ја започна својата кариера во Бенфика, а дресот на ПСЖ го носи од 2023 година. За репрезентацијата на Португалија одигра 16 натпревари и постигна девет гола.