Ѕвездата на Њу Орлеанс ја силувалa својата девојка, заканувајќи и се со смрт

Ѕвездата на НБА тимот,  Њу Орлеанс Пеликанс, Зијон Вилијамсон, се соочува со сериозни обвинувања кои вклучуваат силување и „сексуална, физичка, емоционална и финансиска“ злоупотреба во долгогодишна врска, според тужбата поднесена до Вишиот суд во Лос Анџелес.

Жената што ја поднела тужбата, која го користи псевдонимот Џејн Доу, тврди дека била во врска со Вилијамсон уште од неговата прва година на Универзитетот Дјук, од 2018 до 2023 година. Во граѓанската тужба од 12 страници, добиена од ESPN, се вели дека Вилијамсон покажал „континуиран модел на злоупотреба, контролирање и заканување“ во тој период.

Според тужбата, инцидентите се случиле во неколку американски држави, вклучувајќи ги Луизијана и Калифорнија. Портпарол на Пеликанс изјави дека клубот нема да коментира за случајот, туку ќе му остави сè на правниот тим на Вилијамсон, кој наводно е во процес на подготовка на официјално соопштение.

Едно од најсериозните обвинувања наведува дека Вилијамсон постојано се заканувал дека ќе ја застрела во главата помеѓу 2020 и 2023 година со својот приватен телохранител, кој бил вооружен и физички присутен во тоа време. Тој, исто така, наводно се заканил дека истиот телохранител ќе ги убие нејзините родители, истакнувајќи дека знае каде живеат.

Во тужбата понатаму се тврди дека Вилијамсон постојано ја следел нејзината локација, следел со кого се гледа, постојано ја повикувал, ја следел дома од работа или испраќал пријатели да ја следат. Наводно, во неколку наврати влегол во нејзиниот стан без дозвола и ги пребарал нејзините лични работи.

Зијон некогаш беше еден од најголемите таленти во историјата на НБА и беше избран од Њу Орлеанс Пеликанс со прв избор на драфтот во 2019 година. Неговата кариера досега е обележана со огромни проблеми со повреди. Тој беше Ол-стар двапати досега, во 2021 и 2023 година, додека минатата сезона одигра само 30 од можни 82 натпревари. Имаше просек од 24,6 поени, 7,2 скока и 5,3 асистенции.