На Студентскиот плоштад во Белград започна протест наречен „Знаењето е моќ“, на кој повикаа студентите во блокада, наведувајќи дека образованието, како што велат, треба „да се воспостави повторно како темел на општеството“, пренесува „РТС“.
Групи студенти во блокадата претходно се собраа на неколку локации во градот, вклучително и пред Правниот факултет и кај кружниот тек во Нов Белград, од каде што пристигнаа пред Ректоратот на Белградскиот универзитет.
Тие најавија прошетка од Студентскиот плоштад преку Плоштадот на Републиката, улиците Краља Милана и Славија до храмот Свети Сава.
Сообраќајот е запрен во тој дел од градот, но нема забележливо полициско присуство, освен едно полициско возило во близина на Југословенската кинотека и Народниот театар, објави Фонет.
Демонстрантите носат српски знамиња и знамиња на кои се прикажани лицата на светци, особено Свети Сава и Исус Христос.
Во најавите за митингот на социјалните мрежи, студентите во блокадата наведоа дека повикуваат на собир на Свети Сава, денот на првиот српски просветител, и дека треба да се врати „вербата во образованието и стручноста“.
View this post on Instagram
