Златниот олимпиец во борење, Кајл Снајдер (29), е уапсен за време на полициска рација насочена кон сузбивање на проституцијата на северната страна од Колумбус, пишуваат многу американски медиуми.

Снајдер, кој остави длабок белег во американскиот спорт, беше меѓу 16. лица обвинети за време на операцијата спроведена од Одделот за јавна безбедност на полициската управа во Колумбус. Според изјавата на полицискиот наредник Џо Алберто, истрагата е покрената преку лажни огласи за ескорт-услуги објавени на интернет.

Според полицијата, Снајдер околу 20:15 часот имал контакт со број од огласот преку повици и пораки, потоа се упатил кон хотелот. мислејќи дека е вистинска ескорт-услуга.

На местото, според полицијата, тој ѝ предал пари на полицајка во цивил, која се претставила како проститутка и побарал орален секс од неа, по што веднаш бил уапсен за учество во проституција. Сепак, тој бил ослободен кратко време по апсењето, а неговото судење е закажано за наредните денови.

Кајл Снајдер стана познат на пошироката јавност како член на боречкиот тим „Вакајс“, со кој освои три последователни колеџ титули во тешка категорија помеѓу 2016 и 2018 година. Веќе во 2015 година, тој беше дел од тимот што му ја донесе националната титула на Државниот универзитет во Охајо.

Тој влезе во спортската историја како најмладиот американски борач кој освоил златен олимписки медал, кога победи на Игрите во Рио де Жанеиро во 2016 година на само 20 години. Тој освои сребрен медал на Олимписките игри во Токио 2020 година, додека на неодамнешните Олимписки игри во Париз 2024 година заврши на четвртото место.

Како признание за неговата извонредна спортска кариера, Снајдер беше примен во Куќата на славните во 2024 година.

Соочувањето на Кајл Снајдер со судот е закажано за 19 мај, каде што тој ќе се изјасни за обвиненијата против него.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ