Зимата ќе пристигне точно на време! Студ од север ќе продре над Балканот пред Нова година

Доминацијата на антициклонот ќе продолжи барем до средината на месецот, кога е можно мало слабеење, а промената во синоптичката ситуација би можела да се случи по 22 декември. Стабилно време се очекува во наредните денови под влијание на антициклонот, со магла, мрачни и студени услови во низините и сончево време во планините, пренесува српскиот аматерски метеоролог Марко Чубрило.

Ноќните температури ќе бидат пониски додека дневните вредности во подрачјата со магла ќе бидат од минус еден до плус пет. Во подрачјата без магла се очекува значително потопло време, со температури од седум до седумнаесет степени Целзиусови.

Околу 17 декември, можна е промена поради слабеење на антициклонот и поретки врнежи од дожд, главно на југот од регионот. Со засилен југоисточен ветер, маглата би можела да се растури, а позабележително затоплување.

По 22 декември, на повидок е значителна промена на времето, што би можело да го обележи крајот на годината и да го донесе првиот сериозен бран на зимата. Според метеоролошкиот модел ECMWF, над подрачјето помеѓу Скандинавија и Велика Британија би се издигнал антициклон, што би овозможило студен воздух од Русија да навлезе во нашиот регион. Доколку овој развој продолжи, би можел да влијае на поголемиот дел од зимскиот период, бидејќи среднорочната прогноза на моделот ECMWF за јануари 2026 година симулира температури околу или под просекот.

Иако сите прогнози сè уште се предмет на промена, моменталниот тренд е кон ладење. Дотогаш, низините ќе продолжат да бидат магловити и студени со изразена температурна инверзија.