Жозе Мурињо веќе подготви болен удар за Барселона!

Старо-новиот шампион на Шпанија, тимот на Барселона, се обидуваше со сите сили да го комплетира трансферот на италијанскиот дефанзивец Алесандро Бастони. Сепак, понудите од Каталонија за 27-годишникот беа експресно одбиени.

Барса му понуди на Интер 45 милиони евра за неговите услуги, но понудата беше категорично одбиена затоа што „нероаѕурите“ бараат минимум 60 милиони евра.

Во меѓувреме, Барселона наводно се откажала од него бидејќи тренерот Ханси Флик не е многу убеден дека Италијанецот би можел правилно да се вклопи во неговиот тим и наводно веќе почнал да разгледува други опции.

Идниот тренер на Реал (М), Жозе Мурињо, се погрижил шпанскиот шампион повеќе да не размислува за овој играч. Иако сè уште не е официјално, „специјалниот“ наскоро ќе ја преземе клупата на „кралевите“, а едно од засилувањата би можело да биде Бастони.

„Мурињо го сака Алесандро Бастони како засилување на позицијата стопер. Тој е неговата омилена опција за таа позиција“, тврдат извори блиски до „кралскиот клуб“.

Во Мадрид се бесни поради фактот што клубот две години по ред гледа во грбот на Барса. Раководните лица сакаат трофеи и веруваат дека Жозе е вистинскиот човек да ги врати „кралевите“ на тронот.

Ако некој ги знае сите валкани игри, тоа е легендарниот Португалец. Сепак, тој ќе мора да се справи со огромен притисок и огромно его во соблекувалната, а времето ќе покаже дали ќе успее во тоа.

Покрај Бастони, во Мадрид би можел да оди и дуото од Манчестер сити, Јошко Гвардиол и Родри.

Сепак, секако, неопходни се и неколку трансфери во заминување, а Жозе во најбрз можен рок ќе донесе одлука за тоа кој не му е потребен и кои играчи ги сака во својот тим.