Диого Жота загина во сообраќајна несреќа во четвртокот, а неговата последна објава на социјалните мрежи е трогателна. Само неколку часа пред смртта тој објави видео од себе заедно со својата сопруга.
- Ден што никогаш нема да го заборавиме, објави Жота, со фотографија од својата венчавка.
View this post on Instagram
Жота (28) се ожени пред неполни две недели, поточно на 22 јуни. Со неговата сопруга и долгогодишна партнерка Руте Кардозо има три деца.
Несреќата се случила на 65-тиот километар од автопатот А-52, во општината Паласиос де Санабрија, објави „Марка“. Тој бил во автомобилот со својот брат Андре (26) и двајцата починале на самото место. Според првичните информации, тие наводно излетале од патот, автомобилот се запалил и набрзо се проширил на блиската вегетација.
