Женката гибон Делфина доби на подарок играчка орангутан.
Од скопската Зоолошка градина велат дека подарокот е од нивна редовна посетителка, која, како и многумина, се восхитува од приказната за двете мали гибончиња, Делфина и нејзиното помало братче, Мики, но и од посветеноста и пожртвуваноста на зоонегувателката Зера и на другите вработени.
Инаку, малото мајмунче Делфин пред четири години беше отфрлено од својата мајка и падна во езерото. Делфина, по спасувањето, беше одгледана од својата зоонегувателка Зера, која целото свое работно, но и слободно време 24/7 ѝ го посветува нејзе.
Од Зоолошката градина информираат дека сега, заедно со своето помало братче, Мики, се адаптира на самостојниот живот и оти се една од ретките институции во светот што успеале во намерата да ги спојат и адаптираат овие две гибончиња.












