Нова измама со лажните сообраќајки: Жена од Скопје му платила 9.700 евра на наводен полициски службеник

Седумдесет и двегодишна жена вчера пријавила во СВР Скопје, дека била измамена од едно лице за сума од 9.700 евра.

„Според пријавеното, лицето ѝ се јавило телефонски, се претставило како полициски службеник и ѝ кажало дека нејзината ќерка и нејзиниот зет предизвикале сообраќајна несреќа во која прегазиле дете и доколку не сака тие да лежат во затвор требало да плати“, се вели во соопштението на МВР.

Како што е пријавено, таа парите ги оставила на договореното место, а откако се слушнала со нејзината ќерка сфатила дека била измамена. Се преземаат мерки за расчистување на случајот.