Земјотресот што ноќеска, по европско време, го погоди рускиот брег е еден од десетте најсилни досега, изјави за Би-Би-Си Хелен Џанисевски, вонреден професор на Одделот за геофизика и тектоника на Универзитетот на Хаваи.
Според Геолошкиот завод на Соединетите Американски Држави (USGS), со магнитуда од 8,8 степени, земјотресот во Русија го дели шестото место на листата на најмоќни земјотреси во историјата, заедно со земјотресот во Биобио, Чиле во 2010 година и земјотресот во Есмералдас, Еквадор во 1906 година.
Американскиот геолошки институт соопшти дека во земјотресот во Чиле, кој го погоди брегот во близина на градот Кирихуе, загинаа 523 лица и беа уништени повеќе од 370.000 домови. Земјотресот во Еквадор, според извештаите на американскиот геолошки институт, предизвикал моќно цунами кое одзело 1.500 животи и стигнало до Сан Франциско.
Сличен земјотрес е регистриран во 1952 година.
Петтиот најсилен земјотрес во историјата, како денешниот, се случил во руската територија Камчатка – во 1952 година. Тоа бил „првиот регистриран земјотрес во светот со јачина од 9 степени“ и „предизвикал масивно цунами што ги погоди Хаваите, предизвикувајќи штета од повеќе од 1 милион долари“.
