Силен земјотрес со магнитуда од 7,0 степени ја погоди оддалечената област на границата помеѓу американската држава Алјаска и канадската територија Јукон во неделата. Не е издадено предупредување за цунами, а официјалните лица изјавија дека нема извештаи за штети или повредени, објавува „Гардијан“.
Геолошкиот завод на САД (USGS) го лоцираше епицентарот на земјотресот на длабочина од околу 10 километри, околу 370 километри северозападно од Џуно, Алјаска, и 250 километри западно од Вајтхорс, Јукон. Главниот потрес беше проследен со неколку помали последователни потреси.
„Работи паѓаа од полиците“
Во Вајтхорс, Кралската канадска коњаничка полиција доби два повици од граѓани. „Дефинитивно се почувствува“, рече наредникот Калиста Меклауд. „Има многу луѓе на социјалните мрежи, луѓето го почувствуваа тоа“.
Алисон Берд, сеизмолог од Канада, објасни дека делот од Јукон кој е најпогоден од земјотресот е планински и ретко населен. „Претежно луѓето пријавија дека работи паѓаат од полиците и ѕидовите“, рече Берд.
Ретко населена област
Најблиската канадска заедница до епицентарот е Хејнс Џанкшн, оддалечена околу 130 километри, која има население од 1.018 жители според статистиката од 2022 година. Земјотресот бил почувствуван и на околу 91 километар оддалеченост во Јакутат, Алјаска, град со население од 662 жители.
ИЗДВОЕНИ
Мицкоски откако беше реизбран за претседател на ВМРО-ДПМНЕ: До последниот ден од мојот последен мандат ќе барам работа и резултати
„Доказ дека системот важи еднакво за сите“: Тошковски добил СМС порака за направен сообраќаен прекршок – регистрирана брзина од 1 километар на час над дозволеното
Подвиг на Клиниката за ортопедија: Успешно се изведени две трансплантации на коска од починат донор кај педијатриски пациенти
Мицкоски на 18. партиски конгрес: Стратегијата Македонија 2030 е визија за стабилна, продуктивна, правична и европски позиционирана држава
