Украинскиот претседател Володимир Зеленски денес изјави дека во третата рунда директни мировни преговори со Русија во Истанбул, Украина ќе инсистира на три клучни точки: враќање на воените заробеници, враќање на децата киднапирани од Русија и подготовка на самит.
„Нашата агенда е јасна: враќање на воените заробеници, враќање на децата киднапирани од Русија и подготовка на состанокот на лидерите“, напиша Зеленски на платформата X.
„На сите им е јасно дека навистина ефикасни преговори можат да се водат само на ниво на национални лидери“, додаде тој.
Русија се согласува на нова рунда, но без Лавров и без датум
Изјавите на Зеленски доаѓаат откако тој пред три дена објави дека Украина предложила продолжување на директните преговори. Новиот секретар на Советот за национална безбедност и одбрана, Рустем Умеров, ѝ понуди на Русија нова средба.
Портпаролот на Кремљ, Дмитриј Песков, денес потврди дека Москва ја поддржува одржувањето на третата рунда разговори, но нагласи дека датумот сè уште не е договорен.
„Од руска страна, нема промени во преговарачката група“, рече Песков.
Руската делегација сè уште ја предводи претседателскиот советник Владимир Медински. Високи функционери како што е шефот на дипломатијата Сергеј Лавров сè уште не учествуваат во преговорите.
ИЗДВОЕНИ
РАДИКАЛНА ЌЕЛИЈА ВО СКОПЈЕ: Тројца уапсени за терористичко здружување, оружје и одмазда за осудени членови на ИСИС
„Брзи пари“, ама и брза наплата, од љубезност до притисок за враќање на долгот?!
АНБ вработува инженери, плата до 60 илјади денари
НАЈГОЛЕМА ПОЛИЦИСКА АКЦИЈА ВО СПРАВУВАЊЕТО СО НЕЛЕГАЛНА ТРГОВИЈА: Запленети десетици тони, до каде ќе оди корнењето на марихуаната?!
