Украинскиот претседател Володимир Зеленски реагираше скептично на изјавите на рускиот претседател Владимир Путин дека го чека во Москва на билатерални разговори.
„Средбата е неопходна. Не е прашање на желба, туку на неопходност. Ние поддржавме и трилатерална и билатерална средба во кој било формат. Верувам дека Русија прави сè што може за да ја одложи“, рече Зеленски на прес-конференција по самитот на Коалицијата на волјата во Париз.
„Нашите американски партнери нè информираа дека Путин ме покани во Москва. Верувам дека ако сакате да го спречите одржувањето на средбата, треба да ме поканите во Москва.“
Зеленски рече дека самиот факт што Путин почнал да зборува за таков состанок е позитивен знак, но засега нема индикации дека Русија сака да ја заврши војната.
„Возрасните треба да излезат од состанок на ова ниво со некаков резултат, по можност со крај на војната.“
Украинскиот министер за надворешни работи, Андриј Сибиха, претходно изјави дека предлогот на Путин да се сретне со Зеленски во Москва е „неприфатлив“.
ИЗДВОЕНИ
Ќе се чешлаат осум досијеа – се отварале ли здрави срца за пари?
Македонија и натаму ќе се „крсти“ во црниот јаглен за добивање струја
Вранецот скапува на нивите, а винарниците увезуваат евтино налевно вино
Португалија во шок ден по трагедијата во Лисабон, се шпекулира за причините за несреќата, сведоците се сомневаат во сопирачките
