Унгарија ќе го повика украинскиот амбасадор на разговор поради наводното мешање на Украина во унгарските парламентарни избори закажани за 12 април, изјави денес премиерот Виктор Орбан.
Орбан рече дека украинските лидери, вклучувајќи го и претседателот Володимир Зеленски, минатата недела упатиле „навреди и закани“ кон Унгарија.
Во објава на социјалната мрежа X, тој додаде дека унгарските безбедносни служби заклучиле дека станува збор за координиран обид за влијание врз изборите и дека побарал од министерот за надворешни работи, Петер Сијарто, да го пoвика амбасадорот на разговор.
Зеленски ги критикуваше европските лидери
Зеленски минатиот четврток ја критикуваше Европа, опишувајќи ја како „фрагментиран калеидоскоп од мали и средни сили“ на кои, според него, им недостасува решителност. Тој предупреди дека Европа не треба да дозволи нејзините главни градови да станат „мала Москва“.
Зборувајќи на Светскиот економски форум во Давос, Зеленски рече дека „секој Виктор кој живее од европски пари додека се обидува да продава европски интереси заслужува шлаканица“, што Орбан го протолкува како директна порака до Унгарија.
Response to Ukrainian threats against Hungary and its government.
We will not allow anyone to endanger Hungary’s sovereignty or the integrity of our elections. Today, I instructed @FM_Szijjarto to summon Ukraine’s ambassador to Hungary for a meeting at the Ministry of Foreign… pic.twitter.com/qTcUjFBjaS
— Orbán Viktor (@PM_ViktorOrban) January 26, 2026
