Унгарскиот премиер Виктор Орбан денес го критикуваше претседателот на Украина, Володимир Зеленски, за неговиот говор во Давос, во кој, како што велат од Будимпешта, тој „повторно ја нападна унгарската влада и него лично“. Сепак, како што истакна Орбан во својата објава на мрежата X, Зеленски го критикуваше и „секој друг европски лидер“.
„Зеленски вели дека поддршката испратена до Украина е недоволна, оружјето е недоволно и дека решителноста на Европа е недоволна. Не мораше долго да чекаме на одговорот од Брисел. Синоќа (претседателката на Европската комисија, Урсула) фон дер Лајен, презентираше патоказ за развој на Украина. Во него, Брисел прифати секое украинско барање – 800 милијарди долари за Украина, забрзан пристап до ЕУ до 2027 година и понатамошна поддршка до 2040 година“, рече Орбан.
Тој рече дека Зеленски „сè погрешил“, но дека Брисел е „подготвен да плати“.
„И ќе кажеме неколку зборови за тоа. Пристигнува национална петиција, со која можеме да испратиме јасна порака до Брисел: нема да плаќаме“, заклучи Орбан, пренесува Танјуг.
Во своето вчерашно обраќање на Светскиот економски форум во Давос, Зеленски, меѓу другото, ги илустрираше своите ставови споредувајќи го со филмот „Денот на мрмотот“, велејќи дека Европа, како херојот од филмот, „ги повторува истите зборови“ без да се менува во акција, и покрај изминатата година и повторените апели дека „Европа знае како да се брани“.
ИЗДВОЕНИ
Зошто дозволуваме стереотипите постојано да креираат дискриминаторни пречки во секојдневието на маргинализираните жени во Скопскиот плански регион?
Прскалките светат, совеста гасне, пиротехниката и натаму хит на ноќните журки!
НАЈГОЛЕМАТА ОПОЗИЦИСКА ПАРТИЈА НА КРСТОПАТ: Нова партија, фракција или стивнување на расколот – носи ли расплет конгресот на СДСМ?!
Македонските филмови тешко стигнуваат до домашната публика; Се изгуби и кинокултурата!
