Украинскиот претседател Володимир Зеленски изјави дека Русија продолжува со војната, игнорирајќи ги меѓународните повици за запирање на насилството и уништувањето, и дека руските напади со беспилотни летала врз цивилната инфраструктура синоќа оставија повеќе од 100.000 домаќинства без електрична енергија во неколку области низ целата земја.
„Потребни се нови чекори и дополнителен притисок врз Русија за да се запрат нападите и да се гарантира вистинска безбедност“, рече Зеленски.
Според украинскиот претседател, речиси стотина беспилотни летала ги нападнале регионите Полтава, Суми и Чернихив, што предизвикало прекини во електричната енергија.
Според него, средно училиште во регионот Харков исто така било погодено од дрон, додека станбена зграда била погодена во Херсон.
Украинското Министерство за енергетика објави дека нападот врз инфраструктурата бил извршен во текот на ноќта на 27 август и го оцени како дел од намерна руска стратегија за уништување на цивилни објекти пред почетокот на грејната сезона.
ИЗДВОЕНИ
Клековски: Интерната комисија располага со потребната документација, супервизијата од странските доктори ќе ја увери јавноста во објективноста
МАНАСТИРОТ „УСПЕНИЕ НА ПРЕСВЕТА БОГОРОДИЦА“ КАЈ МАТКА ГО ОДБЕЛЕЖУВА ПАТРОНОТ, СЕСТРИНСТВОТО СО ПОСЕБНА МИСИЈА: Везовите со мотиви од фреските од Лесново, Велјуса, Нагоричане – чувари на вековната македонска традиција
(Не)соборливи рекорди на Евробаскетот, на листата е и – Перо Антиќ!
ЗВУЧНИ ИМИЊА ВО ТРКАТА ЗА ГЛАВНИОТ ГРАД: Седмa кандидатура за градски татко, се множат имиња и ветувања
