Украинскиот претседател Володимир Зеленски разговараше по телефон со американскиот претседател Доналд Трамп, изјави портпаролот на украинскиот претседател Сергеј Никифоров.
„Претседателот Зеленски води телефонски разговор со претседателот Трамп. Ќе известиме за деталите врз основа на резултатите“, рече Никифоров, објави Укринформ.
Врховната Рада во среда го поддржа нацрт-законот „За ратификација на Договорот меѓу Владата на Украина и Владата на Соединетите Американски Држави за основање на американско-украински инвестициски фонд за реконструкција“.
Трамп претходно изјави дека ќе разговара со украинскиот лидер за договорот за експлоатација на минерали откако ќе биде ратификуван од украинскиот парламент, објави Танјуг.
