Зеленски проговори за новата украинска ракета: Ова е нашиот одговор на рускиот терор

Украинскиот претседател Володимир Зеленски објави снимка од лансирањето на ракетите со долг дострел „Долг Нептун“ за време на ноќен напад врз цели длабоко во Русија.

Ова е прв пат Киев јавно да го покаже моќното оружје во акција, подобрена верзија на противбродската ракета што го потопи водечкиот брод на руската Црноморска флота, „Москва“, во април 2022 година, објави „Киев пост“.

• Украински „Долги Нептун“. Тие работат понапорно, кратко рече Зеленски во објава на Телеграм. Тој потврди дека украинските сили погодиле одредени локации во Русија, но не откри дополнителни детали.
• Ова е нашиот целосно оправдан одговор на рускиот терор. Украинските ракети носат опипливи и прецизни резултати секој месец, рече тој, заблагодарувајќи им се на сите вклучени во развојот на ракетната програма на Украина.

Станува збор за модернизирана верзија на противбродската ракета „Нептун“. Првиот поглед на надградената ракета се појави во видео објавено од производителот на оружје „Зброја“ по повод Денот на независноста на Украина на 24 август, каде што беше прикажана заедно со хаубици „Богдан“ и поморски беспилотни летала. Во март оваа година, претседателот Зеленски објави дека новата верзија може да погоди цели на оддалеченост до 1.000 километри, што е огромен скок во однос на дострелот од 300 километри на оригиналниот модел. Се верува дека оваа конкретна ракета била употребена во нападот на Украина врз руското поморско пристаниште Новоросијск во мај, кога прелетала повеќе од 750 километри, еден од ракетните напади со најдолг дострел на Киев од почетокот на руската инвазија.