Украинскиот претседател Володимир Зеленски призна дека враќањето на териториите под руска контрола со оружје повеќе не е можно и дека ќе биде потребно да се бараат дипломатски решенија.
Според британскиот Телеграф, Зеленски нагласил дека Киев би го поздравил прекинот на огнот што би го замрзнал конфликтот на сегашната линија на фронтот, но без меѓународно признавање на руската контрола врз која било „окупирана територија“.
„Сепак, Зеленски призна дека ослободувањето на окупираните територии со вооружена сила повеќе не е можно и дека ќе биде потребно да се користат дипломатски средства“, наведува весникот.
Во истиот текст се цитирани и резултатите од анкетата на Галуп, според која само една четвртина од украинските граѓани се подготвени да се борат против Русија „до крај“, што укажува на значителен пад на довербата во можноста за воена победа.
Оваа изјава дојде еден ден по средбата меѓу рускиот претседател Владимир Путин и специјалниот претставник на американскиот претседател Стивен Виткоф во Кремљ, по што беше објавено дека ќе се сретнат Путин и американскиот лидер Доналд Трамп.
