Украинскиот претседател Володимир Зеленски потпиша два декрети за синхронизирање на санкциите против Русија со САД, како и за воведување ограничувања за физички и правни лица поврзани со производството и работењето на руски беспилотни летала, објавија денес украинските медиуми.
Како што е објавено на веб-страницата на претседателот, како дел од пакетот мерки синхронизирани со САД, Украина воведе санкции против 26 руски правни лица поврзани со енергетскиот сектор, вклучувајќи го Роснефт и неговите подружници, како и компании што припаѓаат на групацијата Лукоил.
Санкциите на САД влијаат на оние делови од индустријата што покриваат околу 55 проценти од руското производство на нафта, објави агенцијата Укринформ.
Како што е објавено, од почетокот на годината, Украина веќе координирала 13 пакети санкции со своите партнери, Обединетото Кралство, Канада, САД, Јапонија и Европската Унија.
ИЗДВОЕНИ
ИПАРД на пауза, земјоделците во неизвесност дали ќе ги добијат вложените пари
Виралните графити со стихови од македонски поп-песни ќе ги преслика во Парк на македонската музика
Пругата кон Бугарија никако да тргне, до пролет ќе се знае кој ќе ја гради
Бактерија во три чешми и во мусаката ги затрула учениците од Карпош
