Украинскиот претседател Володимир Зеленски го осуди одбивањето на Русија да спроведе прекин на огнот, велејќи дека одлуката „ја комплицира ситуацијата“ во спроведувањето на мировниот план што го бараше американскиот претседател Доналд Трамп по средбата со рускиот претседател Владимир Путин, пренесе „Бета“.
„Гледаме дека Русија ги отфрла бројните повици за прекин на огнот и сè уште не утврдила кога ќе ги запре убиствата. Ова ја комплицира ситуацијата“, напиша Зеленски вечерва на социјалните мрежи.
Доколку Русија не е подготвена да спроведе едноставна наредба за запирање на нападите, како што додаде украинскиот претседател, можеби ќе бидат потребни значителни напори за да се убеди Русија да спроведе нешто многу поважно – „мирен соживот со своите соседи во наредните децении“.
