Зеленски мора да постави нов шеф на кабинетот: Двајца воени советници и еден дипломат во игра за местото на Јермак

По оставката на Андриј Јермак во Коиев интензивно се бара негов наследник на чело на кабинетот на претседателот на Украина.

Според информациите од владините кругови, најверојатни кандидати  за таа позиција се министерот за дигитална трансформација Михајло Федоров, министерот за одбрана Денис Шмихал и Павло Палиса, заменик -шеф на Канцеларијата за воени прашања, објави „Украинска правда“.

„Од почетокот на седминцата, извори за „Украинска правда“ изјавија дека се разгледуваат неколку кандидати за позицијата шеф на кабинетот. Нјајверојатни кандидати се министерот за дигитална трансформација Михајло Федоров, министерот за одбрана Денис Шмихал и Павло Палиса, заменик-шеф на Канцеларијта на претседателот за воени прашања“.

Изворите на „Украинска правда“ исто така наведуваат дека позицијата би можела да му биде понудена на Серхиј Кислица, првиот заменик министер за надворешни работи, кој во моментот учествува во преговорите со САД.

„Таквото именување би можело да го пренасочи водството на Канцеларијата  со контроверзи и внатрешни прашања на важна меѓународна работа, што донекаде би можело да ја смири политичата ситуација“, се наведува во статијата.

Од друга страна, преместувањето на премиерката Јулија Свириденко во Кабинетот на претседателот се смета за малку веројатно од две причини: прво, самата Свириденко го смета за деградирање, и второ, реконструкцијата на целиот кабинет на министри би барала значителен напор.

На 28 ноември беше објавено дека службеници од Националното биро за борба против корупцијата (НАБУ) и Специјализираното обвинителство за борба против корупцијата (САПО) вршат претреси во канцеларијата на Јермак во владиниот округ. Јермак потврди дека претресот се одвива во неговиот дом и изјави дека е подготвен да помогне во истрагата. Според достапните информации, не му било доставено известување за сомневање до утрото.

Од Полска, порачаа истрагите за корупција во Украина се „лоши вести“ од полска гледна точка, бидејќи не ги олеснуваат тековните мировни преговори.

Недолго потоа, претседателот Зеленски објави дека ја прифатил оставката на Јермак како шеф на Кабинетот на претседателот, најавувајќи реструктуирање на институцијата. Претседателот рече дека ќе одржи консултации за можни наследници во сабота. После тоа, Јермак објави дека се приклучува на вооружените сили на Украина.