Изјавите и заканите од некои западни земји кон суверени земји се обиди да се принудат овие земји да ги прекинат трговските односи со Русија, изјави во вторникот портпаролот на рускиот претседател Дмитриј Песков.
Порано, портпаролот на индиското Министерство за надворешни работи, Рандхир Џајсвал, изјави дека земјата ги смета нападите од САД и ЕУ за неосновани и неразумни и дека ќе преземе мерки за заштита на своите интереси и економска безбедност.
„Слушаме многу изјави кои всушност се закани – обиди да се принудат земјите да ги прекинат трговските односи со Русија“, изјави Песков за новинарите, одговарајќи на прашањето дали Кремљ гледа закана за рускиот извоз на енергија, пренесува РИА Новости.
Претседателот на САД, Доналд Трамп, претходно изјави дека бил информиран дека Индија планира да престане да купува нафта од Русија, меѓутоа, индискиот весник „Минт“, повикувајќи се на извори, објави во саботата дека индиските државни рафинерии продолжуваат да купуваат нафта од руски добавувачи.
Индија е трет најголем увозник на енергија во светот и купува повеќе од 80 проценти од нафтата што ја троши од меѓународните пазари.
Претходно, „Тајмс оф Индија“, повикувајќи се на податоци од компанијата за анализа на стоки „Кплер“, објави дека увозот на нафта во Индија од Русија се искачил на 11-месечен максимум во јуни, а зголемувањето на купувањата се случило по ескалацијата на геополитичките тензии меѓу Израел и Иран, пренесува „Танјуг“.
Индија ги отфрла критиките од САД и ЕУ: Неправедно нè осудуваат кога и самите тргуваат со Русија
ИЗДВОЕНИ
Какаото како кокаин
ИНТЕРВЈУ СО ДЕБАРСКО-КИЧЕВСКИОТ МИТРОПОЛИТ ГЕОРГИЈ: Ќе се сретнам со викарниот епископ Партениј, Бог ќе ни помогне и ќе ни го покаже патот
Качен на хауба игра за видео на „Тикток“, не запира дивеењето по улиците
Петре М. Андреевски: „Вината никој не ја сака, иако таа, безмалку, е во секого!“
