Пратеничката група на Левица најави предлог-измени на Законот за минимална плата со кои се бара зголемување на минималната месечна плата на 30.000 денари, почнувајќи од јули 2025 година.
Предлогот, како што истакна пратеникот Амар Мециновиќ, е изготвен во согласност со барањата на синдикатите и е одговор на тешката економска состојба во која се наоѓаат граѓаните.
– Ова го предлагаме веднаш по најголемото задолжување во историјата на Република Македонија – шест милијарди евра. За да се избегнат штетните ефекти од евентуалните мерки на штедење, потребно е веднаш да се зголеми минималната плата – рече Мециновиќ.
Според него, сегашната минимална плата од 24.000 денари не е доволна за основна егзистенција и дека „граѓаните бројат денари и денови како да преживеат во услови на инфлација“.
– Од енергетската и од корона-кризата, па наваму, видовме како расте профитот на најголемите компании. Затоа мора, конечно, бизнис-елитата да го сноси товарот од економската криза, а не обичниот работник. Овој закон не ги ни исполнува потребите на нашите граѓани, но е чекор напред кон подобрување на нивната куповна моќ и на егзистенцијалната сигурност. Време е да се прифати ова решение – рече Мециновиќ.
Тој ја критикуваше Владата за, како што рече, системско разбивање на синдикалното организирање и за притисоци врз работниците.
ИЗДВОЕНИ
Во тек е голема координирана полициска акција на повеќе локации во Скопје и во Струмица поврзана со опојна дрога
Полицијата конфискува, судот одлучува – враќањето на одземените возила може да трае со месеци
“Живите газеа да излезат надвор, мртвите ги положувавме на паркинг“
И по седум часа чекање на аеродромите – ЕУ неподготвена за биометриска идентификација
