Почетокот на декември во кината низ Србија ќе биде резервиран за „Враќањето на Жикината династија“.
Една од омилените комедии од овој регион, која го означи созревањето на генерациите, го доби своето ново продолжение, чија голема белградска премиера е закажана за 2 декември во Сава Центарот.
Во новиот филм, го следиме Миша Павловиќ, повторно го игра Никола Којо, кого го посетуваат неговите синови именувани по нивните прадедовци Жика и Милан.
Миша не ги видел долго време, бидејќи живее со Наташа во Москва, и со нив започнува „нова луда година, полна со смеа, авантура, но и семејни вредности“, според најавата за премиерата.
Се враќаат и фрау Елза (Весна Чипчиќ) и таткото на Миша, Боба (Владимир Петровиќ).
Во „Враќањето на Жикината династија“ ќе ги видиме и Данијела Димитровска, Срѓан Тимаров, Младен Совиљ, Јов Максиќ, Гала Виденовиќ, Слободан Бода Нинковиќ, Љиљана Стјепановиќ, Милена Предиќ, Тамара Радоваќовиќ, но и младите надежи Никола Бруно и Гаврило Иванковиќ.
Режисер на продолжението на серијалот е Милан Коњевиќ, сценарио е Милена Марковиќ, а продуценти на филмот се Милан Тодоровиќ, Огњен Ракчевиќ, Горан Пековиќ и Јован Марковиќ.
